တနင်္သာရီတိုင်းဒေသကြီး၊ ပုလောမြို့နယ်၊ ဗိုင်းပြင်ကျေးရွာတွင် ကျေးရွာရေပိုက်သွယ်တန်းခြင်းနှင့် ရေကန်တည်ဆောက်ခြင်း လုပ်ငန်းအား ယနေ့ နံနက်ပိုင်းက မြိတ်ခရိုင်၊ ကျေးလက်ဒေသ ဖွံ့ဖြိုးတိုးတက်ရေးဦးစီးဌာနမှ  ခရိုင်ဦးစီးမှူးနှင့် တာဝန်ရှိသူများက ကွင်းဆင်းစစ်ဆေးခဲ့သည်။

မန္တလေးတိုင်းဒေသကြီး မြင်းခြံခရိုင် တောင်သာမြို့နယ်ထွက် စိန်တစ်လုံးသရက်သီးများ လှိုင်လှိုင်ထွက်ရှိချိန်တွင်  စျေးနှုန်းကျဆင်းနေခြင်းကြောင့် စိန်တစ်လုံးသရက်စိုက်ပျိုးသည့် ခြံပိုင်ရှင်များ တွက်ခြေမကိုက်ဖြစ်နေကြောင်း   အမှတ်(၂)ရပ်ကွက်ရှိ  (မုဒိတာ) စိန်တစ်လုံးသရက်ခြံပိုင်ရှင် ဦးသက်ခိုင်ဝင်းက ပြောသည်။

မကွေးတိုင်းဒေသကြီး ၊ ရေစကြိုမြို့နယ် ကျောက်လှည်းဘီး ကျေးရွာနေပြည်သူများ ရာသီမရွေး သောက်သုံးရေ ဖူလုံစွာ သုံးစွဲနိုင်ရေးအတွက် အကောင်အထည်ဖော် ဆောင်ရွက်ပြီးစီးသည့် စက်ရေတွင်းတူးဖော်ခြင်း၊ ရေစက်ရုံ တည်ဆောက်ခြင်းနှင့် ဂါလန် ၅၀၀၀ ဆံ့ အုတ်ရေကန် တည်ဆောက်ခြင်းလုပ်ငန်းများ သတ်မှတ်စံချိန်စံညွှန်းများနှင့် အညီ ဆောင်ရွက်ထားမှု ရှိ မရှိ ကွင်းဆင်းစစ်ဆေးခြင်းကို ယမန်နေ့ မွန်းလွဲ ၂ နာရီက မကွေးတိုင်းဒေသကြီး ကျေးလက်ဒေသ ဖွံ့ဖြိုးတိုးတက်ရေးဦးစီးဌာန တိုင်းဒေသကြီးဦးစီးမှူး ဦးမျိုးအောင်နှင့် တာဝန်ရှိသူများက ကွင်းဆင်း စစ်ဆေးခဲ့ကြောင်း သိရသည်။ 

စစ်ကိုင်းတိုင်းဒေသကြီး မော်လိုက်မြို့၌ ကိုဗစ်-၁၉ ရောဂါကြောင့် အပတ်စဉ်စနေနေ့တိုင်း ဖွင့်လှစ်ကုသပေးနေသည့် သက်ကြီးဘိုးဘွားဆေးခန်းကို ပိတ်ထားရသဖြင့် ဘိုးဘွားများအား ကျန်းမာရေးစောင့်ရှောက်မှုပေးနိုင်ရန် ယနေ့ နံနက် ၈ နာရီက မြို့ပေါ်ရပ်ကွက်များရှိ ဘိုးဘွားများထံ အိမ်တိုင်ရာရောက် ကုသပေးခဲ့ကြောင်း သိရသည်။

၂၀၂၀ ပြည့်နှစ် မိုးရာသီတွင်စိုက်ပျိုးရန် ပျိုးပင်ပေါင်း ၉ သောင်းကျော်ကို ပခုက္ကူမြို့နယ် သစ်တောဦးစီးဌာနက ပျိုးထောင်ထားရှိကြောင်း သိရသည်။

(၂၃-၅-၂၀၂၀) ရက်နေ့၊ ည (၈:၀၀)နာရီ